104
TJERITA ROMAN
XII.
B A N D O E N G.
Kota dengen soemanget moeda, tapi djoega dengen segala tjatjat-tjatjat dari iapoenja kemoeda'an. Kapitan Goat See soeka pada ini kota dengen segala iapoenja keindahan. Djikaloe ia dateng di kota boeat satoe atawa laen keperloean ia selamanja tinggal lebih lama di iapoenja gedong ketjil jang terletak di Astana-anjarweg. Ia sengadja beli itoe gedong jang ia goenaken djoega sebagi iapoenja kantoor dan di mana ia tinggal kaloe sedeng berdiam di dalem kota.
Sebagi seorang hartawan dan seorang jang pada waktoe itoe boleh dibilang soedah termasoek kalangan modern Goat Soe soeka pada segala apa jang baroe. Waktoe auto jang pertama moelai masoek di ini kepoeloan adalah kapitan Goat Soe jang mempoenjai auto jang pertama di itoe kota pegoenoengan. Kapitan Goat Soe merasa bangga dengen itoe kandaran baroe, teroetama djikaloe ia sedeng berkandaraan di dalem kota orang pada memandeng padanja dengen kagoem. Ampir setiap sore Goat Soe pesiar dengen autonjä koeliling kota ia menjender di dalem itoe kandaran sambil isep seroetoe dan ia memandeng dengen sebelah mata pada itoe orang-orang jang liwat
