110
TJERITA ROMAN
karoesakan oewee nanti ganti, toch tida sebrapa paling banjak bebrapa ratoes roepiah!”
Di dalem hatinja Goat Soe merasa gemes betoel denger perkata'annja itoe pemoeda. Tek Bie itoe djoeroetoelis miskin sekarang bitjara tentang oewang ratoesan seperti djoega oewang bebrapa sen. Tapi Tek Bie selaloe oendjoek hormat, hingga Goat Soe tida bisa berboeat satoe apa.
Dengen tida berkata satoe patah perkata'an lagi, Goat Soe laloe naek kombali ka dalem autonja dan soeroe sopirnja djalanken itoe auto. Tapi apa maoe, bentoeran itoe telah membikin roesak djoega sala satoe bagian dari motornja, hingga biar itoe sopir berkoetetan, tapi itoe auto tida maoe djoega djalan. Samentara itoe autonja Tek Bie soedah dikasih moendoer, dipoeterken dan siap boeat ambil djalan kombali.
Meliat jang autonja Goat Soe mogok, Tek Bie toeroen lagi dari autonja dan samperken pada itoe kapitan. Poen Mary toeroet toeroen.
„Kaptoa poenja auto biar bagimana djoega tida bisa djalan lagi,” kata Tek Bie, sesoedahnja melongok sebentar di bagian motornja, „sebab cylindernja petjah.”
„Tapi ini kedjadian moesti djadi perkara,” kata Goat Soe dengen goesar.
„Itoe ada oeroesan blakangan,” kata Tek Bie
