116
TJERITA ROMAN
dapet begitoe banjak kesenengan jang harta bisa beriken pada manoesia? Kenapa Tek Bie tida dikoetoek, tida disambar gledek, tida disiksa dengen kesengsara'an ? Sebaliknja dari itoe Tek Bie dapetin harta besar dan satoe istri jang begitoe tjantik!
Goat Soe tertawa seorang diri dan merasa ewa pada segala apa, djoega pada dirinja sendiri.
„Bah Besar,” itoe ada soearanja djongos Simin.
„Monjet! Goea soedah bilang, loe djangan ganggoe sama goea!” memaki itoe kapitan pada djongosnja.
„Di loear ada njonja Tjengkauw, Bah Besar,” saoet poela itoe djongos dengen tida perdoeliken makiannja iapoenja madjikan.
Njonja Tjengkauw ada seorang prempoean setengah toea, orang soeroe-soeroeannja kapitan jang sanget dipertjaja dan biasa kloear masoek di itoe gedongnja kapitan.
„Itoe toea bangka tentoe maoe lagi doeit,” mengrendeng Goat Soe, „tapi soeroe ia masoek!”
Tida lama kemoedian njonja Tjengkauw bertindak masoek dan ia merasa heran jang itoe kantoran berada dalem keada'an gelap.
„Kenapa ini kamar digelapin?” menanja njonja Tjengkauw sambil mengrepe boeat berdoedoek di satoe korsi.
