BWEE HOA
117
„Oewee lagi poesing,” ia denger Goat Soe berkata, „tapi entjim ada apa?”
„Bawa kabar baek,” kata itoe prempoean toea „ada barang baroe di Tjikoedapateuh!”
„Si Roesmi,” kedengeran lagi itoe kapitan berkata, „allah, oewee soedah bosen sama entjim poenja barang baroe!”
„Ih, boekan si Roesmi,” kata njonja Tjengkauw lagi, „ini mah orang Tionghoa, pendeknja prempoean begitoe eilok entjim sendiri baroe pernah liat, lagi masih moeda.”
„Namanja?“ tanja Goat Soe jang moelai ketarik hatinja, teroetama itoe malem ia ingin dapet penghiboer jang bisa ilangken iapoenja semoea kedjengkelan.
„Namanja saja belon taoe,” kata lagi itoe njonja toea,” tapi orangnja saja soedah liat sendiri, lagi djoega dia belon lama djalanin pekerdja'annja.”
Goat Soe berpikir sebentar.
„Apa entjim kenal pada anaknja Gwan Kok di Andir?” tanja itoe kapitan.
„Kenal,” saoet itoe prempoean toea, „itoe jang menikah sama koeasa ajahnja?”
„Nah, itoe kaloe entjim bisa dapetken,” kata Goat Soe; „kendati tjoema boeat sebentaran sadja. Oewee nanti beriken oepahan pada entjim