118
TJERITA ROMAN
jang entjim belon pernah dapet dari siapa djoega.”
„Boeat di ini kota memang babah kapitan jang paling terkenal royaal dan brani bajar,” mengoempak njonja Tjengkauw, „tapi soenggoeh mati kaloe itoe entjim tida brani, lakinja mempoenjai banjak djago, itoe baba kapitan moesti taoe.”
„Ah, perrek sama iapoenja djago,” kata Goat Soe, „boeat djago entjim taoe semoea ada dalem oewee poenja tangan, kaloe besok noesa oewe pergi sama resident, semoeanja bakal diringkoes. Itoe entjim djangan koeatir!”
„Entjim nanti tjoba,” kata njonja Tjengkauw, „tapi bagimana sama itoe sinhwee di Tjikoedapateuh? Entjim merasa sajang, kaloe baba kapitan tida dapetken padanja, soenggoeh mati!”
„Itoe ada perkara gampang,” kata Goat Soe, „prempoean begitoean maoe apa terlaloe banjak tjingtjong, sebentar entjim anterken oewee ka sana dan kaloe ia taoe oewee kapitan, masa ia boleh menolak? Jang begitoe kan tjoema maoe oewang, ntjim, betoel engga!”
Goat Soe laloe berpakean dan lantaran iapoenja auto terpaksa moesti masoek di bengkel, maka ia adjak njonja Tjengkauw ka Tjikoedapateuh dangen naek deelman boeat koendjoengken roe-
