BWEE HOA
119
mahnja itoe boengah baroe dalem kalangan doenia keplesiran di kota Bandoeng.
Deelenaan dibrentiken di depan satoe roemah ketjil, tapi jang diprabotin dengen lengkap. Pintoe katja dari itoe roemah tertoetoep dan teraling oleh renda, hingga orang tida bisa meliat ka dalem maskipoen di dalem penerangan ada dipasang dengen tjoekoep.
„Baba kapitan toenggoe sadja doeloe,” kata entjim Tjengkauw dengen soeara berbisik, „entjim nanti liat ka dalem, apa ada tetamoe atawa tida.
Sesoedahnja berkata begitoe, njonja Tjengkauw laloe mengetok pintoe. Satoe djongos jang berbadan tinggi besar dan selaennja melakoeken pekerdja'an djongos djoega roepanja mendjadi tjenteng di itoe roemah boekaken pintoe.
„Apa nona ada?” tanja itoe prempoean toea.
„Ada,” saoet itoe djongos, „nanti saja panggil, masoek sadja, njonja!”
Njonja Tjengkauw laloe masoek ka dalem dan pintoe laloe ditoetoep kombali.
Satoe prempoean moeda dengen kebaja rendah jang bagoes kloear dari kamar. Ia begitoe eilok, dan potongan badannja begitoe langsing, sedeng tindakannja ada begitoe aloes, hingga entjim Tjengkauw sendiri merasa kesemsem. Tapi iapoenja roman jang tjantik ada rada poetjet, sedeng
