122
TJERITA ROMAN
Saja ada barang djoealan, tapi boekan boeat kapitan Goat Soe!"
Entjim Tjengkauw djadi bengong, ia kira jang prempoean eilok itoe pikirannja tida beres, maka dengen tjepet ia laloe kloear lagi pintoe dan toetoerken satoe per satoe apa jang ia denger dari itoe boenga rajah pada kapitan Goat Soe jang masih menoenggoeken di deeleman.
Tatkala mendenger itoe penoetoeran, kapitan Goat Soe djadi teramat goesar. Ia baroe pernah mengalamin jang satoe boengah raja berboeat begitoe koerang adjar padanja, kapitan Be Goat Soe. Lagi itoe koetika Goat Soe berada dalem keada'an setengah mabok, maka ia toeroen dari itoe kandaran dan bertindak ka itoe roemah dengen di ikoetin oleh njonja Tjengkauw. Di dalem hatinja njonja Tjengkauw merasa kesian pada itoe boengah raja jang tida taoe diri dan belon kenal pada kegalakannja ini kapitan.
Dengen kasar kapitan Goat Soe dorong pintoe depan, tapi mendadakan moeloetnja Goat Soe djadi menganga.
„Bwee Hoa.............. kaoe?" Tjoema itoe perkata'an jang bisa kloear dari moeloetnja itoe kapitan. Itoe prempoean memang boekan laen orang
