124
TJERITA ROMAN
maen komedie. Kedjem, kedjem? Bah! Apa kapitan Goat Soe mengerti perkata'an kedjem?”
Goat Soe toendoekin kepalanja.
„Kaoe kedjem pada dirimoe sendiri, Bwee!”
„Ha! Ha! Ha! Kaloe begitoe kaoe dan laen-laen lelaki poen kedjem pada dirinja sendiri. Kaoe dateng di sini boeat apa, kapitan? Saja melaenken goenaken hak manoesia jang diartiken oleh kaoem lelaki, laen tida. Saja orang seboet boengah raja, prempoean djalang, tapi kaoe kapitan dan semoea lelaki apatah bedanja dengen saja? Kaoe orang merdika mentjari kesenengan, kenapa saja tida boleh? Kaoe ada hak boeat memilih, djoega sekarang saja goenaken itoe hak. Kapitan, poengpoeng sekarang masih siang dan Tek Bie belon dateng di sini harep kaoe soeka berlaloe!”
Mendenger itoe nama kapitan Goat Soe boeka lebar matanja, ia ampir mendjadi kalap.
„Djadi kaoe trima Tek Bie di sini?
„Segala orang, ketjoeali kapitan Goat Soe seperti saja tadi bilang!”
Goat Soe goemeteran sekoedjoer badannja. Iapoenja hati seperti tertoesoek-toesoek oleh barang jang tadjem. Ia angkat moekanja dan Bwee Hoa liat jang matanja itoe kapitan mendjadi basah. Kemoedian itoe kapitan balikin badannja
