BWEE HOA
127
bisan. Lekaslah, sebelonnja kapitan Goat Soe dateng di sini!”
Tek Bie terpaksa berlaloe dan kebentjiannja pada Goat Soe djadi semangkin besar Tapi begitoe mendenger autonja Tek Bie berdjalan, Bwee Hoa memboeroe ka pintoe dan memandeng ka loear, tapi di sana keada'an ada gelap goelita.
„Engko Tek Bie! Engko Tek Bie!” Ia meratap.
Bwee Hoa teken iapoenja betoelan hati dan tida taoe, apa sebetoelnja ia masih merasa tjinta atawa bentji pada itoe pemoeda. Ia djatohken dirinia di mana divan dan menangis sesengoekan. Ia masih tjinta pada Tek Bie, kendatipoen Tek Bie soedah berlakoe chianat padanja. Ia hendak djaoehken itoe pemoeda dari iapoenja penghidoepan jang hina-dina, soepaja itoe pemoeda bisa hidoep broentoeng dengen istrinja.
Itoe malem roemah ketjil di Tjikoedapateuh itoe tida trima barang satoe tetamoe, kerna sesoeatoe tetamoe jang dateng ditolak dan tetamoe itoe boleh dibilang dateng ampir bergantian, sebagi rombongan tawon jang kroeboengin boengah jang wangi.