128
TJERITA ROMAN
XIV.
L O O T I A Djoen Kong telah meninggal doenia.
Lantaran iapoenja harta banda sebagian besar oedah berada di atas namanja Bie Gwat, Hong Nio boleh dibilang ampir tida kebagian apa-apa, hingga Hong Nio jang sekarang soedah beramboet poetih terpaksa moesti tinggal menoempang di roemahnja Bwee Hoa. Dan di sitoe itoe iboe jang bertjilaka moesti manda saksiken, bagimana penghidoepan anaknja, satoe penghidoepan paling sengsara jang satoe prempoean bisa alamken. Terasing dan dikoetoekin oleh marika jang merasa dirinja sopan, orang kira jang penghidoepannja satoe boengah latar seperti Bwee Hoa melaenken boeat memboeroe kesenangan meloeloe, padahal Hong Nio sering moesti liat dengen mata sendiri, bagimana biarpoen merasa djemoe pada itoe lelaki jang dateng padanja, Bwee Hoa terpaksa moesti menerima djoega goena hidoep dalem tjaranja, kerna hidoep dengen cara laen sebagi marika jang sopan itoe boeat Bwee Hoa soedah moestail. Sadjek ia poenja nama bertjatjat sebagi istri jang serong, doenia jang katanja sopan telah asingken padanja dan biarpoen ande kata itoe waktoe Bwee Hoa
