134
TJERITA ROMAN
saja pikoel kegetiran itoe sehingga poen saja poenja adjal sampe. Sekarang, kapitan Goat Soe, saja minta kaoe lantas tinggalken ini tempat!”
Goat Soe keliatannja lemes.
„Idzinken saja lagi satoe kali boeat menengok moekanja kaoe poenja iboe, Bwee.”
Ini perminta'an Bwee Hoa tida dapet tolak. Lama Goat Soe memandeng pada romannja Hong Nio jang koeroes dan poetjet kemoedian ia balikin badannja dengen tjepet dan berlaloe.
Koetika Bwee Hoa hendak memeloek kombali pada mait iboenja, di atas dadanja itoe iboe ada mengletak doea lembar oewang kertas dari masing-masing seratoes roepiah.
Bwee Hoa mengerti jang itoe oewang ada dari Goat Soe dan ia sekarang taoe djoega, bahoea itoe postwissel dari pengirim jang tida terkenal poen ada dari kapitan Be Goat Soe.
Bagimanatah sekarang ia moesti pandeng pada itoe kapitan? Apatah ia masih membentji atawa moesti mengampoenken, tapi membentji atawa mengampoenken, ia sekarang terpaksa boeat goenaken itoe oewang goena mongoeboer mait iboenja.
