BWEE HOA
137
sendiri, tetapi saja tekoek loetoet boekan di hadepannja Bwee si prempoean latjoer, hanja di hadapan poentjak goenoeng k e s e n g s a r a ' a n manoesia .........”
Bwee Hoa sekarang tersenjoem dan memandeng pada Goat Soe dengan aer mata berlinang-lining. Ia angsoerken tangannja jang ditoebroek dan ditjioemin oleh Goat Soe dengan sangat bernapsoe. Waktoe Goat Soe hendak menjioam iapoenja bibir, Bwee Hoa tolak dengan aloe sama tangannja.
„Djangan,” ia kata, „kaoe soedah tjoakoep berkorban boeat saja, djanganlah kaoe dapet djoega saja poenja panjakit. Kaoa ada satoe manoesia tida beda dangen jang laennja, jang bisa berboeat kedjem, tapi bisa insjaf, karna kaoe ada manoe sia, boekan binatang.”
Bwee Hoa tarik napas pandjang.
„Tapi itoe kesedaran datengnja terlaloe laat, oh, kaloe doeloe, kaloe doeloe Goat Soe kaoe taoe, jang saja telah hendak beladjar menjinta pada kaoe dengen setoeloesnja..... Itoe waktoe tentoe kita masih bisa hidoep broentoeng, tapi sekarang. Soekalah kaoe tempo-tempo tengokin sajapoenja koeboeran, Soe?”
Dengen zonder memperdoeliken pada perkata'annja Bwee Hoa, Goat Soe peloek pada itoe
