BWEE HOA
25
itoe soedah dianggep sedjamaknja, teroetama dalem kalangaan orang-orang hartawan. Orang boleh sepoeloeh kali hartawan, tapi kaloe tjoema poenja satoe istri ia koerang terhormat. Semangkin hartawan dan semangkin banjak istri, itoe semangkin dihormat dalem masjarakat Tionghoa, istrikoe, tida beda seperti satoe hartawan dalem kalangan kita ada mempoenjai banjak koeda jang bagoes.”
„Tapi Be Gwat Soe toch dapet pendidikan Barat, malah pernah pergi di Holland, bagimana ia.......”
Toean Jansen tertawa.
„Ja, tapi pendidikan itoe tjoema vernis sadja, istrikoe. Di dalem laen-laen hal boleh djadi itoe kapitan berpikiran modern, tapi dalem ini satoe ia lebih soeka berkoekoeh pada adat istiadatnja.”
„Dan apa jang dinamaken goendik atawa bini moeda, di dalem kalangan Tionghoa, itoe laen artinja dari pemandengan Barat. Satoe goendik poen ada mempoenjai hak dan kaloe si goendik kemoedian mempoenjai anak lelaki ia bakal gantiken kedoedoekannja istri pertama, djikaloe ande kata jang blakangan tida mempoenjai anak lelaki.”
„Ja, tapi, tapi toch boeat Bwee Hoa jang dapet
