BWEE HOA
27
III.
PE R T J O B A ' A N N J A toean dan njonja Jansen boeat oeroengken pernikahannja Bwee Hoa ternjata betoel tida berhasil.
Pernikahannja Bwee Hoa dengen kapitan Be Goat Soe soedah ditetepken dan pada itoe hari keada'an di roemahnja lootia Djoen Kong ada rame loear biasa. Seriboe roepiah kapitan Be Goat Soe soedah beriken pada itoe lootia boeat rajaken itoe pesta kawin.
Selaennja tetamoe jang taoe apa jang dirasaken oleh nona penganten, Hong Nio keliatan paling bergoembira. Ia wara-wiri dengen tida mengenal tjape boeat oeroesan segala keperloean. Sekarang iapoenja pengharepan kesampean, iapoenja gadis djadi njonja kapitan, biarpoen tjoema see'ie sadja. Apa lagi jang ia inginken, ia seorang prempoean bini lootia jang sederhana dari tanah Pasir-Angin?
Iapoenja gadis sekarang aken biasa naek toeroen kreta jang ditarik koeda ampat, apa lagi jang satoe gadis inginken? Laki hartawan, lagi kapitan, blakangan barangkali majoor. Njonja majoor, oh, bagimana menterengnja ini gelaran boeat iapoenja anak. Dan ia sendiri „mertoea {{hws|ma|majoor}]
