BWEE HOA
31
berdiri, tjoema Tek Bie mendadakan mengilang, setaoe ka mana.
Matanja Bwee Hoa mentjari koelilingan padanja, tapi ia tida liat lagi pada Tek Bie. Sebaliknja dari itoe ia liat iapoenja bakal soeami toeroen dari kreta dengen dianter oleh doea sobatnja.
Kapitan Be Goat Soe berpakean smoking item sebagi djoega doea penganternja. Goat Soe tida boleh dibilang djelek, ia malahan keliatan gagah dalem itoe pakean Europa.
Kenapa ? Kenapa sedeng iapoenja bakal soeami boleh memake pakean Europa, ia sendiri moesti disiksa dalem ini pakean jang grombongan berdjam-djam? Dan kenapa, sedeng iapoenja soeami di sana boleh tertawa dan kasih tangan pada toean Jansen, ia sendiri di sini moesti diperlakoeken sebagi patoeng?
Sedeng iapoenpa pikiran masih mengadoek, mah tjomblang soeroe ia koei boeat sembahjang. Ia sembahjang sendirian sadja dan di sitoe baroe Bwee Hoa inget jang ia tjoema satoe goendik sadja. Ia moesti berdjandji pada Toehan Allah jang ia dari itoe waktoe dengen badan dan njawa mendjadi istrinja Goat Soe, tapi tjoema ia sendiri jang berdjandji. Sementara itoe ia denger Goat Soe omong dengen tertawa-tawa de-
