Halaman ini tervalidasi
BWEE HOA
33
Begitoe orang pada berbisik.
Poen kapitan Be Goat Soe meliat kedjadian. Ia merasa maloe tertjampoer gemes. Ia merasa seperti djoega dirinja dihinaken.
Tapi Hong Nio boeroe-boeroe pimpin Bwee Hoa ka dalem kreta, di ikoetin oleh penganten lelaki dan penganternja. Kreta lantas didjalanken dan tetamoe-tetamoe soedah loepa lagi pada itoe kedjadian jang mengemperken. Marika laloe berdjoedi atawa tegek aer kata-kata, maoepoen menandak dengan wajang tjokek jang memang soedah disediaken .
Waktoe toean tanah Pasir-Angin pimpin boeat adjak poelang istrina, ia liat jang njonja Jansen koetjoerken aer matanja. Ini njonja jang baek merasa, seperti orang beset dengen paksa satoe bagian dari hatinja.
