BWEE HOA
35
Bwee Hoa masih terlaloe moeda aken berdoeka terlaloe lama dan ia masih gelap goelita terhadep pada apa jang dirinja aken moesti alamken kemoedian.
Ia ambil satoe boekoe dari koffernja, itoe boekoe ada pengasihannja Tek Bie. Boekoe itoe berkalimat „Schuld en Boete” karangannja Destojewsky, ia boeka-boeka lembaran itoe boekoe. Hatinja bergoemeter, koetika denger tindakan sepatoe mendatengin ka djoeroesan kamarnja.
Pintoe kamar terboeka dan kapitan Be Goat Soe, masih berpakean smoking, ada di hadepannja.
Bwee Hoa memandeng padanja dan toendoekin kepalanja.
Be Goat Soe roepanja minoem tèrlaloe banjak, kerna tindakannja tida tetep, moekanja merah dan matanja bertjilalatan. Hatinja Bwee Hoa djadi ketjil dan ia tida taoe apa jang ia moesti berboeat, ia tjoema merasa jang di itoe pintoe ada dateng satoe bahaja jang ia belon pernah alamken lebih doeloe.
Dengen zonder berkata satoe apa Goat Soe toetoepin lagi daon pintoe poeterken kontjinja dan menghampirken dengen tindakan tida tetep. Iapoenja mata jang berapi memandeng pada
