38
TJERITA ROMAN
Boeat Bwee,
Boeat dibatja, soepaja djangan loepa
pada djam-djam jang broentoeng di
Pasir Angin.
Tek Bie
Sesoedahnja batja itoe bebrapa baris perkata'an, Goat Soe keliatan djadi bringas. Ia lempar itoe boekoe di satoe podjok dan memandeng dengen mata bersinar boeas pada Bwee Hoa.
„O, djadi ini, ini Tek Bie jang bikin loe djoeal tingka waktoe dilamar oleh goea poenja orang soeroehan? Ja, ja, goea denger memang loe soedah poenja ketjinta'an di Pasir-Angin. Tek Bie, ja, Tek Bie itoe tjayhoe melarat dari Pasir Angin, boekan? Dan ia ini djoega jang soedah bikin loe djoeal tingka waktoe sembahjang tadi pagi, ja?!”
Goat Soe dengen sempojongan mendeketin pada Bwee Hoa, tapi itoe koetika Bwee Hoa loepa segala apa, sekoenjoeng-koenjoeng ia tamper pipinja Goat Soe, hingga ia ini djadi kesakitan.
„Koerang adjar, soen.............! Loe brani tampar goea, kapitan dari Teloek-pare lantaran goea ingetin loe sama loe poenja ketjinta'an?
„Ja, ja, lootia Djoen Kong tentoe tida aken begitoe gampang serahken gadisnja jang begini
