BWEE HOA
41
V.
DE N G E N sebenernja Bwee Hoa sendiri tida taoe pasti, apa ia ada tjintaken Tek Bie. Perkata'an tjinta antara marika berdoea belon pernah dioetjapken. Perhoetaoengan antara marika sampe marika berpisahan tida lebih tida koerang tjoema sebagi antara sobat jang baek.
Tapi semangkin hari kapitan Be Goat Soe tambah tjemboeroein padanja. Betoel djoega Goat Soe sekarang tida berlakoe begitoe kasar lagi terhadep pada Bwee Hoa, tapi Goat Soe masih sering djoega menjindir-njindir jang Bwee Hoa tjintaken Tek Bie. Bisa djadi ini disebabken lantaran Bwee Hoa selaloe dingin terhadep pada iapoenja soeami, kerna ia tida bisa perkosa iapoenja soeara hati sendiri dan ia tida pernah loepaken, jang itoe orang jang sekarang seboet dirinja sebagi iapoenja soeami telah rampas apa-apa jang paling soetji dalem dirinja, sedeng ia berada dalem keada'an tida berdaja.
Njonja kapitan Be Goat Soe, Beng Nio, jalah madoenja Bwee Hoa berlakoe sanget bengis pada Bwee Hoa, biarpoen Bwee Hoa berboeat sebisa-bisa boeat lajanin padanja. Tida ada seorang di dalem , itoe gedong kapitan jang taroh welas asih pada itoe njonja moeda dan iapoenja soea-
