42
TJERITA ROMAN
mi sendiri tjoema berlakoe manis padanja, djikaloe perloe dengen iapoenja badan jang ia terpaksa serahken, tapi tida beserta njawanja.
Bwee Hoa tjoba tjari segala kesalahan pada dirinja sendiri, barangkali ia sendiri terlaloe bandel dan ia tjoba boeat sebrapa bisa tjotjokin diri pada iapoenja soeami, tapi setiap kali iapoenja hati terloeka oleh kekasarannja Goat Soe.
Seabisnja menika perhoeboengan Bwee Hoa dan djoega dengen njonja Jansen boleh dibilang telah terpoetoes, ia tida dikasih idzin boeat toelis soerat pada itoe njonja jang baek, kerna Goat Soe koeatir Bwee Hoa nanti toelis soerat pada Tek Bie, pada siapa sebetoelnja tadinja Bwee Hoa tjoema merasa sebagi terhadep pada sobat jang baek.
Tapi Goat Soe poenja tjemboeroean ada sebagi djoega oempan bagi perasa'annja Bwee Hoa terhadep pada iapoenja bekas sobat. Tambah ditjemboeroein Bwee Hoa djadi tambah inget pada Tek Bie. Bagimana itoe pemoeda selaloe berlakoe baek padanja, bagimana sinar matanja Tek Bie djikaloe meliat padanja. Dan ini perasa'an toemboeh dengen tida terasa.
Pada satoe hari Hong Nio dateng koendjoengken padanja. Sebab koeatir jang Bwee Hoa nanti mengadoe apa-apa, Beng Nio tida tinggalken itoe
