46
TJERITA ROMAN
djaoeh dengen teroes pandeng moekanja itoe kapitan.
Tapi sebaliknja dari goesar, sekarang Goat Soe tertawa bekakakan.
„Tentoe sadja di Pasir-Angin kaoe broentoeng, sebab di sana ada kaoe poenja kekasih. Tek Bie, oh, lagi-lagi Tek Bie!”
„Tek Bie boekan saja poenja ketjinta'an itoe saja soedah tetepken berkali-kali,” kata Bwee Hoa.
Kombali Goat Soe menjengir.
„Kaloe bangsat mengakoeh, pemboeian tentoe penoeh. Siapa jang tida taoe, kaoe memang soedah lama bikin perhoeboengan resia dengen Tek Bie.”
Dadanja Bwee Hoa djadi toeroen naek lantaran darahnja ia merasa meloeap.
„Djahanam!” kata Bwee Hoa,” kaoe sendiri, sedeng saja pangsan telah dapet keboektian jang saja masih soetji. Ini kaoe tida bisa sangkal. Saja soedah tjoba apa jang saja bisa boeat tjotjokin diri dengen kaoe, tapi kaoe tjoema maoe perlakoeken saja sebagi permaenan. Lebih lagi, kaoe poekoelin dan persakitin saja lahir dan batin!”
„Ja,” kata Goat Soe jang ini kali roepanja sengadja tida maoe goenaken kekerasan, tapi lidah-
