BWEE HOA
49
itoe boekoe dari Destojesky jang doeloean poen menerbitkan amarahnja kapitan Be Goat SOe.
Itoe boekoe jang ia masih simpen dalem iapoenja koffer laloe dikloearken. Di mana omslagnja ia toelis ini perkata'an:
„Terkoeboer hidoep-hidoep dalem noraka.
Tjoema sobat jang setia dan selaloe
terkenang bisa menoeloeng.”
Sekarang bagimana itoe boekoe moesti dikirim pada si pengasih. Bwee Hoa tida pertjaja pada boedjang-boedjang dalem itoe gadong kapitan.
Ia tertawa, koetika ia mendapet satoe akal. Satoe boelan satoe kali iboenja tentoe dateng tengokin padanja. Kaloe kebetoelan kapitan tida ada di roemah dan ia kasihken ini boekoe pada iapoenja iboe boeat toeloeng disampeken pada Tek Bie, tentoe tida ada orang merasa tjoeriga.
Betoel iboenja poenja kedatengan masih lama, tapi hati jang menjinta bisa bersabar dan Bwee Hoa bersabar.
