50
TJERITA ROMAN
VI.
SA M E N T A R A itoe di dalem roemah tangganja lootia Djoen Kong telah terdjadi perobahan besar. Sebagi seorang prempoean jang mempoenjai kekoeasa'an besar di dalem roeman, Hong Nie poenja keinginan tentoe sadja achirnja telah kesampean djoega. Terhadep iapoenja desekan, soepaja Djoen Kong ambil gadisnja The Sam sebagi bini moeda achirnja itoe lootia moesti mengalah.
Bie Gwat, gadisnja The Sam, sekarang mendjadi bini moedanja lootia Djoen Kong dan tinggal bersama-sama Hong Nio. Setelah mendapet ini madoe baroe Hong Nio merasa jang sekarang ia mendjadi njonja besar dalem artian jang betoel. Segala pekerdja'an di dalem roemah ia serahken pada Bie Gwat hingga lambat laoen Hong Nio sebetoelnja serahken kekoeasa'an dalem roemah pada iapoenja madoe sendiri. Itoe waktoe ia belon doega sampe di sitoe, kerna ia merasa girang bisa dilajanin segala keperloeannja oleh Bie Gwat, sedeng Bie Gwat bermoela keliatannja menoeroet sadja.
Dengen mendapet ini istri moeda Djoen Kong poenja kekoeasa'an di dalem roemah tangganja semangkin lama djadi semangkin ketjil dan di
