BWEE HOA
53
doeloe ia dapet pindjem, begitoe Bwee Hoa berdjoesta.
Setaoe lantaran soedah moelai bosen, setaoe lantaran perasa'annja terhadep pada Bwee Hoa memang lebih banjak bersifat napsoe dari pada tjinta, Goat See sekarang tida begitoe open lagi pada istri moedanja. Boeat Bwee Hoa ini hal ada sangat meringanken. Pertama ia tida perloe saben-saben moesti rasaken hatinja loeka, kerna ia moesti serahken dirinja pada orang jang ia sebetoelnja bentji, kedoea ia tida oesah denger lagi perkata'an-perkata'an tjemboeroe dan menjindir dari fihaknja Goat Soe. Djoega ia mendapet lebih banjak koetika aken lajangkan pikirannja pada waktoa-waktoe jang soadah liwat, itoe masa broentoeng jang barangkali tida aken kombali lagi.
Pada satoe hari kapitan Goat Soe dateng di kamarnja.
„Sebentar goea moesti pergi di kota,” kata Goat Soe, „sebab goea dapet panggilan dari resident. Bisa djadi goea aken tinggal di sana bebrapa malem.”
Sesoedahnja berkata begitoe Goat Soe berlaloe dan betoel sadja tida antara lama Bwee Hoa denger soeara kreta jang kloear dari itoe gedong.
