56
TJERITA ROMAN
„Engko taoe Goat Soe pergi di kota, Bwee!”
„Tapi boedjang-boedjang, engko?”
„Engko taoe jang ini malem semoea boedjangnja kapitan poelang ka kampoeng, ketjoeali Si Mina, jang engko soedah toetoep moeloetnja dengen oewang. Apatah lagi jang kaoe koeatirken, Bwee, lieveling?”
„Saja koeatirken engko poenja diri, oh, kaloe ketahoean. Kaoe tida taoe bagimana kedjemnja Goat Soe, bagimana ia soedah perlakoeken pada saja.“
Tek Bie pandeng pada Bwee Hoa dengen penoeh ketjinta'an.
„Engko taoe, Bwee, jang kaoe poenja soeami ada satoe djahanam. Dari itoe bebrapa perkata'an dalem boekoe jang kaoe kombaliken, engko soedah lantas dapet tebak, nasib apa jang kaoe alamken di sini.”
Bwee Hoa senderken badannja pada dadanja Tek Bie.
„Tapi apa engko, engko........ tjinta pada saja?”
„Bwee,” kata Tek Bie dengen bernapsoe," dari koetika kita sama-sama masih sekolah, engko sebetoelnja soedah tjinta pada kaoe, tapi engko tida brani njataken itoe perasa'an jang engko simpen sebagi moestika di dalem hati. Engko tjoema satoe djoeroetoelis jang bergadjih bebra-
