BWEE HOA
57
pa belas roepiah dan Bwee gadisnja lootia Djoen Kong jang terkenal mampoe djoega, bagimana engko siksa engko poenja diri itoe waktoe dengen koetoek engko poenja nasib sendiri.
„Dan engko poenja hati rasanja antjoer, koetika dapet denger Bwee bakal menikah. Engko tentoe soedah tiwasken diri sendiri pada harian Bwee poenja pernikahan, tapi engko masih ada satoe penasaran, jalah engko kepingin denger satoe kali lagi dari Bwee poenja moeloet, apa Bwee ada hidoep broentoeng.......”
Tek Bie berdiam sebentar.
„Dan koetika engko trima Bwee poenja boekoe, jang doeloe engko kasihken, engko tadinja kira, Bwee tida maoe taoe lagi tentang engko poenja diri. Dengen goemeter engko samboet itoe boekoe dari tangannja Bwee poenja iboe, tapi waktoe engko batja bebrapa baris perkata'an jang Bwee toelis di blakang omslag itoe boekoe, oh, engko merasa seperti hidoep kombali. Engko merasa gemes pada kapitan, semangkin tjinta pade Bwee, tapi kegirangen engko jang paling besar adalah lantaran sadjek itoe koetika engko dapet taoe Bwee poenja hati, jang Bwee poen ada mempoenjai sedikit hati ketjinta'an pada engko.....”
Sesoedahnja Tek Bie berdiam, Bwee Hoa ber-
