BWEE HOA
59
VII.
BIE G W A T telah melahirken anak lelaki. Kedatengannja ini machloek baroe di dalem roemahnja lootia Djoen Kong tentoe sadja telah disamboet dengen kegirangan besar. Djoen Kong jang doeloean telah merasa keberatan boeat mempoenjai istri moeda sekarang moesti benerken pikirannja Hong Nie. Lootia Djoen Kong kendatipoen boekan seorang hartawan besar, tapi di tanah partikoelir Pasir-Angin toch terkenal sebagi seorang jang mampoe djoega. Ia ada mempoenjai bebrapa roemah sewahan, sebidang sawah jang lebar, binatang-binatang kerbo jang ia kasih sewah pada pendoedoek negri ditambah poela dengen iapoenja pengasilan sebagi lootia. Sesoedahnja Bwee Hoa diambil sebagi see-ie oleh kapitan, Djoen Kong sering merasa kesepihan dan sewaktoe-waktoe ia soeka berpikir, siapa nanti bakal mengoeroes iapoenja harta-banda, djikaloe ia soedah meninggal doenia. Tapi dengen terlahirnja Piet itoe soeal ia tida boeat pikir lagi, kerna sebagi anak lelaki kemoedian hari Piet tentoe aken bisa oeroes iapoenja harta banda.
Pada itoe hari pertama kali sadjek ia menikah, Bwee Hoa dapet idzin dari soeaminja boeat koen-