66
TJERITA ROMAN
djadi merasa kikoek, ia tida njana jang ia bakal ketemoeken Bwee Hoa di sitoe.
Sebagi seorang jang kenal baek itoe doea pemoeda poenja tabeat dan perhoeboengan di waktoe doeloe, njonja Jansen sekedjab itoe djoega lantas dapet tebak, bahoea antara ini doea orang ada soeatoe tali perhoeboengan resia jang tida gampang dipoetoesken. Ia mengerti sekarang, perkata'annja Bwee Hoa baroesan dan ia mengerti djoega apa artinja itoe elahan napas dari Bwee Hoa.
Boeat tida bikin itoe doea pemoeda bersengsara lebih lama lantaran marika poenja perasa'an kikoek, satoe perasa'an seperti djoega orang telah pergokin pada marika, njonja Jansen laloe menghampiri pada Tek Bie dan angsoerken tangannja.
„Wel, Bie, kaoe djoega maoe kasih slamet pada lootia?”
Tek Bie sekarang baroe bisa kendaliken lagi berdebar-debarnja sang hati.
„Ja,” ia kata sambil berdjabatan tangan dengen njonja Jansen, „dan saja tida njana ketemoeken mevrouw dan Bwe Hoa di sini.”
„Itoe ada satoe verrassing, he ? Kaoe sebagi sobat di waktoe anak-anak tentoe merasa girang bisa bertemoe kombali satoe sama laen. Apa
