BWEE HOA
67
Bwee tida djadi lebih eilok, Bie?”
Ini goda'an dari njonja Jansen, bikin Bwee Hoa djadi tambah bingoeng dan pipinja djadi bersemoe merah.
Baek djoega itoe koetika boedjang minta njonja Jansen ka dalem, di mana soegoehan boeat ia soedah disedaken di atas medja.
Njonja Jansen goenaken ini koetika boeat masoek ka pertengahan dalem dan tinggalken itoe doea kekasih sendirian.
Sekoetika lamanja Bwee Hoa dan Tek Bie tida berkata. Kedjadian-kedjadian antara marika berdoea pada itoe malem-malem jang soenji telah 1iwat kombali di depan mata marika. Perasa'an djengah, tapi djoega perasa'an jang tida dapet diboeat bosen.
Achirnja Bwee Hoa berkata :
„Apa kaoe tida maoe berdoedoek, engko Tek Bie. Papa sedeng pergi di kebon sebentar.”
Tek Bie laloe berdoedoek di depannja Bwee Hoa dan ia memandeng pada Bwee Hoa jang di dalem anggepannja semangkin dipandeng djadi semangkin eilok. Betoel seperti njonja Jansen baroesan bilang.
Tek Bie tida bisa tahan boeat tida pegang tangannja Bwee Hoa jang begitoe aloes. Bwee Hoa biarken tangannja dieloes-eloes oleh Tek
