68
TJERITA ROMAN
Bie, kerna setiap eloesan itoe bagi ia berarti tambahnja satoe kebroentoengan dalem iapoenja penghidoepan.
Marika begitoe terbenam dalem perasa'annja jang begitoe moeloek, hingga Bwee Hoa dan Tek Bie tida dapet denger ada kreta jang brenti di depan roemah, tapi koetika mendenger tindakan orang mendatengin, Tek Bie lantas boeroe-boeroe tarik lagi tangannja.
Kapitan Goat Soe ada di depan pintoe.
Sebentar Goat Soe toedjoeken matanja pada moekanja Bwee Hoa jang mendjadi poetjet dan sebentar lagi pada moekanja Tek Bie. Sebagi seorang jang banjak pengalaman ia lantas dapet tebak perasa'annja itoe doea orang.
Kapitan Goat Soe hendak oetjapken perkata'an, tapi bibirnja merasa terkantjing dan tjoema djadi bergoemeteran. Dengen doea tindakan ia soedah berada di deketnja ia doea orang. Zonder terasa lagi tangannja telah tampar moekanja Tek Bie.
Ia tarik tangannja Bwee Hoa begtoe kasar dan toentoen padanja kloear. Sebelonnja Tek Bie bisa insjaf betoel apa jang terdjadi dengen dirinja, Goat Soe soedah bawa Bwee Hoa ka dalem kreta.
Tek Bie oesap-oesap pipinja jang baroesan kena ditampar. Baroe sekarang ia merasa sakit dan
