BWEE HOA
71
eilok djadi tertampak tanda-tanda biroe bekas itoe ebatan.
Tapi ini kali Bwee Hoa tida menangis. Ia tjoema merintih lantaran kesakitan.
Sesoedahnja merasa tjape sendiri dan meliat jang Bwee Hoa goeling-goelingken dirinja di djoebin, baroe Goat Soe brenti memoekoel. Dengen moeka merah, mata bertjilalatan dan itoe rotan masih di tangannja, Goat Soe oetjapken :
„Soendel! Binatang! Mengakoe teroes terang, apa jang loe soedah berboeat dengen loepoenja ketjinta'an, djikaloe tida goea nanti hadjar loe sampe mampoes!”
Dan kombali satoe tendangan keras mengenaken badannja Bwee Hoa.
Sekoenjoeng-koenjoeng Bwee Hoa berdiri dengen tjepet. lapoenja moeka oendjoekin tanda merah dan biroe, tapi satoe boetir aer mata tida tertampak di matanja. Ia memandeng dengen badan goemeteran lantaran sakit, tapi dengen mata jang penoeh rasa kebentjian pada Goat Soe.
Sekedjab Goat Soe sendiri djadi kemekmek. Itoe prempoean jang ia hadjar dan semoestinja dateng merangkang minta ampoen padanja sekarang mengawasi padanja dengen sinaran mata jang begitoe koerang adjar. Apa ini ada prem-
