72
TJERITA ROMAN
poean apa iblis, menanja Goat Soe di dalem hati.
„Bilang!” treak Goat Soe, „bilang! Mengakoe teroes terang loe poenja perboeatan boesoek, atawa goea boenoeh loe!”
Bwe Hoa mesem dan tertawa.
„Memang goea tjinta Tek Bie, soédah lama dan.....”
Perkata'an itoe dirasaken sebagi satoe poekoelan dalem hatinja Goat Soe. Ini dapet diliat oleh Bwee Hoa jang keliatannja merasa girang, ia bisa bales ebat pada itoe kapitan.
„Dan.......” menjamboeng Bwee Hoa dengen satoe-satoe perkata'an dioetjapken dengen sabar dan plahan loear biasa, „dan......... goea soedah serahken goea poenja diri pada Tek Bie!”
Kombali satoe rangketan dengen rotan mengenaken moekanja Bwee Hoa, tapi Bwee Hoa tida bergebing dan berdiri tegep dengen bersenjoem.
„Kebroentoengan jang goea dapetken dari Tek Bie tida boleh disamaken dengen kesengsara'an hati jang goea alamken, kaloe goea sedeng moesti alamken loe poenja kebinatangan,” kata Bwee Hoa poêla dengen satoe-satoe perkata'an dioetjapken sanget teges, kerna ia taoe jang saben perkata'an itoe berarti iapoenja pembalesan boeat tiap-tiap Goat Soe poenja poekoelan.
