76
TJERITA ROMAN
Sekarang Goat Soe insjaf itoe semoea, ia moesti mengakoeh jang perboeatannja Bwee Hoa ada sebagian besar kesalahannja sendiri. Bwee Hoa poenja perboeatan boekan sadja ia moesti ampoenken, tapi sebaliknja ia sendiri jang moesti memoehoen ampoen pada itoe prempoean jang penghidoepannja ia roesaken.
Goat Soe itoe waktoe boekan lagi ada itoe kapitan jang sombong dan angkoeh, ia sebenernja melaenken ada satoe reroentoek dari itoe semoea, keangkoehan dan kesombongannja pada itoe sa'at soedah linjap sama sekali.
Ia moesti minta di ampoenken pada Bwee Hoa, ia aken loepaken semoea perboeatannja Bwee Hoa. Ia aken tjoba diriken lagi itoe astana kebroentoengan jang tersemboéni di dalem dasar hatinja, ia aken pergi pada Bwee Hoa, ia aken tekoek loetoet di depannja itoe prempoean jang ia sebetoelnja tjintaken.
Dengen tindakan limboeng Goat Soe balik kombali ka kamarnja Bwee Hoa, tapi ternjata itoe kamar soedah kosong. Djoega koffer-koffer dan pakeannja Bwee Hoa soedah tida ada. Tjoema djendela terpentang lebar dan angin malem menioep ka dalem. Goat Soe poenja keada'an itoe waktoe ampir seperti gila, ia mentjari di sana-sini pada Bwee Hoa, sampe djoega di blakang le-
