BWEE HOA
81
hat atawa baek toch ia ada anak kita!”
Itoe koetika Bwee Hoa boleh merasa broentoeng iapoenja ajah selaloe kalah pengaroeh oleh iboenja. Seperti satoe anak ketjil jang sedeng mengambek, lootia Djoen Kong biarken itoe revolver direboet dari tangannja. Dengen tindakan lesoe lootia Djoen Kong berdjalan keloear. Itoe satoe malem lootia Djoen Kong tida tidoer di roemah, besokan paginja orang ketemoeken ia sedengen tidoer dan dalem keada'an lingloeng di satoe goeboek di tengah sawah.
Tapi sang tempo ada satoe penawar jang moestadjab boeat sesoeatoe kesengsara'an hati manoesia. Biarpoen bagimana heibat roemah tangganja lootia Djoen Kong bermoela anggep itoe kedjadian dengen Bwee Hoa, tapi lambat laoen itoe kedjadian moelai terloepa.
Lootia Djoen Kong betoel sadjek itoe hari tida maoe begitoe mengomong lagi dengen anaknja. Ia djarang taoe ada di roemah dan di waktoe malem sesoedahnja makan ia teroes pergi tidoer. Perhoeboengan antara ia dan anaknja djadi semangkin entjer, tapi sebaliknja ia keliatan tambah menjajang pada Piet iapoenja anak lelaki, jang itoe waktoe soedah beroemoer ampat taoen. Poen Hong Nio tjoema bitjara dengen Bwee Hoa di mana perloe, hingga plahan-plahan Bwee Hoa
