84
TJERITA ROMAN
dalem kedjadian sebagi ini iapoenja ajah- selaloe berfihak pada Bie Gwat, sedeng Hong Nio achirnja tida brani sama sekali boeat membantah apa-apa terhadep itoe istri moeda. Seringkali djikaloe berada sendirian di dalem kamarnja Bwee Hoa sambil koetjoerken aer mata berpikiran boeat melarikan diri dari roemah orang toeanja jang sekarang bagi ia poen soedah berobah mendjadi astana doeri, ia ada ingetan aken merat, soepaja terlepas dari itoe segala hina'an di dalem kampoengnja, ia aken tjari pada Tek Bie, kerna di dalem dasar hatinja ia masih menjinta pada itoe pemoeda. Tapi di mana adanja Tek Bie sekarang tida ada seorang jang taoe.
Sebagi satoe djanda moeda jang tjantik dan jang pertjereannja begitoe mengemperken dan djadi boeah bibirnja sesoeatoe orang di itoe tempat tentoe sadja boekan sedikit lelaki jang ingin dapetken Bwee Hoa. Pemoeda-pemoeda bangor dan lelaki-lelaki hartawan beroelang-oelang kirim orang perantara'annja boeat lamar pada Bwee Hoa, tapi ia tetep menolak, kerna hatinja masih menjinta teroes pada Tek Bie. Dan ini membikin tambah kedjengkelannja lootia Djoen Kong dan Bie Gwat, jang ingin itoe anak lantas bisa ikoet orang lagi, biar seperti bini kedoea
