86
TJERITA ROMAN
X.
SA T O E antara pemoeda jang terkenal dan poen merasa bangga jang ia ada satoe lelaki jang paling bangor di Pasir-Angin adalah Tjioe Ling. lapoenja nama sebetoelnja ada Tjioe Liang, tapi lantaran iapoenja kebangoran pendoedoek itoe tempat kasih padanja gelaran Tjioe Ling, jang terambil dari nama Hoa Tjoe Ling dari boekoe tjerita Tionghoa koeno.
Di antara kawanan pemoeda bangor jang ingin dapetken Bwee Hoa tentoe sadja ada teritoeng djoega kita poenja Tjioe Ling tapi ini kali segala tipoe akal dari Tjioe Ling boeat dapetken pada itoe djanda moeda telah gagal.
Ini boekan sadja telah menggentoes perasa'an sombong dari itoe pemoeda, tapi membikin ia djoega tambah bernapsoe boeat dapetken pada Bwee Hoa, siapa poenja roman jang eilok semangkin terbajang-bajang sadja di depan matanja.
Pada soeatoe hari Tjioe Ling sedeng berkoempoel dengen kawan-kawannja di dalem soehian Banteng Katjepet dan sebagimana biasa pembitjara'an tentoe mengenaken oeroesan prempoean, tapi teroetama tentang dirinja Bwee Hoa, si djanda moeda jang tjantik, bekas see'ienja kapi-
