Halaman ini tervalidasi
BWEE HOA
95
Tjioe Ling, loe bisa mengomong, tapi loe sendiri ada tida beda atawa lebih dari kita!' Goea mengakoeh, jang goea di antara loe terkenal paling bangor, tapi di dalem dasar hati goea masih ada itoe pertimbangan. Itoe pertimbangan telah tertindes oleh napsoenja sang hati, tapi biar loe orang taoe, Bwee Hoa poenja aer mata telah obatin goea poenja moraal jang soedah bedjat!”
Kemoedian dengen tida berkata satoe apa lagi, Tjioe Ling bertindak keloear dari itoe soehian, tinggalken kawan-kawannja jang pada melongo liat ini perobahan loear biasa dalem dirinja Tjioe Ling, tapi perkata'annja Tjioe Ling telah meresep betoel ka dalem hatinja itoe sekalian pemoeda.
