84
TJILIK ROMAN'S
ba sala, Sian Kheng tida bisa berbuat suatu apa, melainken serahken Loan Nio buat mendjadi istrinja Tjong Bian......
Dunia terputer terus. Hari mendjadi bulan dan setrusnja, sampe achirnja Nasib manusia djuga ikut beroba. Sian Kheng punja perusahan djato failiet, sedeng Tjong Bian ternjata ada satu orang jang beradat pembosenan, sesudanja menika dengen Loan Nio, tabeatnja itu hartawan mendjadi „gila” kombali. Achirnja ia depak istrinja. Sian Kheng kerna mendapetken itu pukulan heibat dalem Penghidupannja tida bisa hidup. pandjang. Ia meninggal dunia dalem kemiskinan.
Itu familie jang tadinja hartawan sekarang terpaksa pinda di satu ruma ketjil jang sederhana, sedeng Loan Nio sekarang musti berkerdja mendjadi pelajan dalem satu Ruma Makan di Kramat...... Lena tetep pertahanken ia punja kesutjian diri, ia tida mau menika, kerna ia punja suara hati seolah-olah membisikin kepadanja, jg pada suatu waktu ia musti berdjumpa kombali dengen Tjoan Hin, jang di tjinta.
⁂
Di Surabaja Tjoan Hin telah mendjadi beruntung. Ia punja hati jang luka, plahan² mulain sembu. Atas pertulungannja Hian Seng ia telah mendapet kedudukan di satu Firma Tionghoa dengen gadji jang bagus djuga. Oleh kerna ia punja keradjinan, achirnja ia telah di angkat mendjadi kuasa dari firma tersebut.
Dua tahon telah berselang.
Pada suatu hari hatinja sanget keras sekali buat dateng di Djakarta kerna parasnja Tien Nio
