PEGANG RESIA.
„Boleh, ’bah, kaoe boleh pilih jang mana kaoe soeka !”
Tempo maoe membajar ia memandang ka kiri dan kanan dan achirnja liat itoe orang jang moesti trima oewang ada itoe gadis jang memang ia ingin katemoeken. Dengen lantes ia menoedjoe ka itoe podjok di mana Siok-nio ada doedoek.
Itoe gadis poen kenalin pada Kim-djin, dan lekas djoega marika sadja oeplek ber- omong-omong. Tapi Kim-djin rasa tida pantes boeat mengobrol terlaloe lama, dan sesoeda- nja trima oewang kombalian, ia berpamitan.
Sekaloearnja dari itoe toko, Kim-djin dapet pengrasa’an, bahoewa ia telah bikin kekal ia poenja perhoeboengan dengen itoe gadis. Tapi apakah itoe boekan pengharepan kosong meloeloe ? Tentoe sekali, itoe gadis kaliatannja girang katemoe poela dengen ia, tapi moesti diakoeh memang tida ada alesan boeat itoe gadis merasa bentji padanja.
Dengen pengrasa’an senang Kim-djin poelang, sebab ia tida ingin nanti bertemoedengen Liang-hoen, pada siapa ia telah bilang, bahoewa itoe hari ia „males” kaloear dari roemahnja.
„Akoe ingin liat bagimana ia aken tarik moeka djika ia liat akoe ada bikin lebih banjak kemadjoean dari ia dalem ini perkara.” Bagitoe Kim-djin berpikir sambil keboelken
asepnja sabatang sigaret jang ia ambil dari itoe satoe kaleng jang ia baroe beli.
22
