IV.
DJOEGA DAPET KEMADJOEAN.
Poen Liang-hoen tertawa sendirian tempo soeda tinggalken sobatnja. „Aih, Kim-djin, Kim-djin, dari akoe kaoe djangan harep aken dapetken katerangan apa-apa tentang itoe gadis. Akoe tida bagitoe goblok boeat tambah lagi djoemblahnja akoe poenja saingan-saingan dengen kaoe satoe. Akoe taoe kaoe tida nanti gampang dapet katemoeken padanja, kerna kaoe djarang sekali pergi pasiar baek di dalem atawa di loear kota, Kaoe berbeda dengen akoe, maka lebih baek kaoe loepaken itoe gadis.”
Ia panggil satoe deeleman dan poelang. Sesampenja di roemah sendiri, ia ambil satoe Kodak dari kamarnja dan pergi lagi. Dengen goenaken satoe taxi ia pergi sendirian sadja ka Zandvoort atawa lebi teges diseboet Pedjongkoran.
Di itoe tempat pemandian ia tida mandi di laoet, hanja memandang sadja pada orang mandi, atawa saperti ia sendiri, dateng di itoe tempat meloeloe boeat poeasken mata.
Mendadak ia poenja paras menoendjoeken kagirangan. Matanja jang tadjem dapet liat satoe orang jang ia kenalin maski
23
