SATOE HAL JANG TIDA TERDOEGA.
boekoe-boekoe. Akoe sendiri ampir tida poenja tempo. Maka apakah kaoe tida nanti merasa diri djadi terhina, djikaloe akoe minta kaoe soeka toeloeng beresin akoe poenja boekoe-boekoe ?”
„O, tentoe sekali, akoe sanget girang dapet itoe tawaran,” kata Kim-djin dengen lantes.
Dan betoel-betoel Kim-djin djadi sanget girang dengar perminta’annja Tjin-tek. Boekankah dengen bekerdja mengoeroes boekoe ia djadi dapet djalan boeat saban malem bertemoe dengen si djantoeng hati? Laen dari itoe ia bisa dapet hasil tambahan, kerna sekarang di waktoe malem memang ia tida mempoenjai banjak pakerdja’an, dan seringkali ia tida taoe moesti berboeat apa djikaloe ia belon mengantoek.
„Akoe girang kaoe lantes soeka trima itoe perminta’an, engko Kim-djin,” kata poela Tjin-tek. „Tapi dengen perdjandjian bagimana kaoe soeka kasi itoe bantoean ? Kaoe tentoe bisa timbang sendiri menoeroet mengimbangin kita poenja toko, jang tida besar, tapi poen tida terlaloe ketjil.”
„Ach, itoe samoeah ada perkara ketjil, engko Tjin-tek,” djawab itoe djedjaka jang kagirangan, „Saban malem akoe tida poenja pakerdja’an apa-apa, dan akoe kira, dari pada goenaken akoe poenja tempo jang senggang boeat segala hal jang tida perloe,
45
