SATOE HAL JANG TIDA TERDOEGA.
ada lebih baek djikaloe akoe bekerdja memberesken boekoe.”
„Ja, tapi boeat kaoe poenja tjape, apa-poela di waktoe mengaso jang digoenaken boeat bekerdja.”
„Ach itoe perkara akoe serahken pada kaoe. Akoe trima perdjandjian apa djoega jang kaoe soeka kasi. Brangkali asal kaoe kasi akoe isep sigaret pertjoema, akoe soeda senang.”
„Djikaloe bagitoe, kita nanti liat, engko Kim-djin. Dan kapan kaoe soeka moelai kasi bantoean.”
„Apa moelai tanggal 1 jang aken dateng?” tanja Kim-djin.
„Itoe djoega baek.”
Sesoedanja Kim-djin berlaloe, Tjin-tek berpaling pada ia poenja soedara.
Siok-nio poenja paras djadi merah dan itoe gadis toendoek sadja.
„Sekarang kaoe moesti berhati-hati, Siok,” kata itoe soedara, „djikaloe ia keliroe liat bisa terdjadi hal-hal jang tida enak, itoelah tentoe kaoe mengarti, boekan?”
Itoe gadis tida berkata satoe apa, tapi ia mendelik pada soedaranja jang tinggalken padanja sambil tertawa.
Kim-djin djadi girang sekali. Boleh djadi
46
