SATOE GIRANG, SATOE SEDIH.
SATOE GIRANG, SATOE SEDIH.
jang tahan sabisanja kainginan boeat tertawa.
ltoe sore dan di malem-malem jang brikoet Kim-djin kaliatannja tida bisa bekerdja dengen pikiran tetap. la bengang-bengong sadja, berbeda sekali dari biasa. Ini samoea dapet diliat oleh Tjin-tek jang saban-saban djadi mesem.
Kenapa Kim-djin jang sergap djadi bagitoe?
Tida heran, dalem itoe bebrapa malem Siok-nio sama sekali tida kaliatan. Kim-djin merasa tida enak hati, tapi ia maloe boeat menanja, ka mana itoe gadis pergi.
Bagitoelah maskipoen saban sore ia dateng, dengen membawa pengharepan di waktoe dateng, tapi poelang dengen pengrasaän masgoel, Kim-djin poenja napsoe bekerdja kaliatannja djadi koerang banjak sekali.
Sampe di itoe hari, jang kombali ia moesti trima koendjoengannja ia poenja sobat Liang-hoen.
Ini kali itoe sobat dateng sambil bersoeit dan tingkanja dibikin-bikin hingga Kim-djin merasa sadikit heran.
„Nah sekarang kaoe bisa kasi slamet padakoe, dan betoel sadja kaoe ada orang jang pertama jang tentoe kasi slamet padakoe, kerna selaennja akoe poenja familie jang berada dalem roemah, belon ada laen orang jang taoe akoe soeda bertoendangan.
„Kaoe bertoendangan dengen siapa ?”
67
