264
PENGHIDOEPAN
bangnja muziek jang akoe denger amat teges—muziek jang toeroen naek seaken-aken dibawa anjoet oleh sang angin. Akoe djadi bangoen dengen pelahan seraja pegang poendaknja salah satoe boedjang terseboet.
..Apa kaoe denger boenjinja orgel?" akoe menanja.
Itoe baboe menengok padakoe dengen matanja jang masih mengembeng aer.
,,Tida, nona." Ia djawab.
Akoe berdiam kombali sambil pasang koeping. ltoe muziek kadengeran bertambah njata dengen iapoenja melody jang merdoe. Ternjata tida satoe orang dalem itoe kamar sembahjang jang denger itoe soeara muziek hanja akoe sendirian. Akoe menengok ka sana sini boeat tjari Holbaz, tapi ia tida ada. Sadjek setadian ia telah masoek dalem kamar studie, tanggoeng itoe kasedian dengen saorang diri atas kamatian itoe soedara jang ia amat tjinta.
Kaloe begitoe itoe soeara orgel ditoedjoekenboeat akoe sadja? Akoe teroes pasang koeping, dan pelan-pelan itoe muziek jang merdoe semingkin soerem hingga linjap sama sekali. Kombali akoe berpaling ka berbagi djoeroesan jang semoea terbenam dalem kasoenjian, tida soeatoe apa ada terdenger.
Katentreman jang loear biasa sekarang pengaroehken soemangetkoe. Mendadak seperti ada apa-apa jang berdeketan sama dirikoe. Akoe inget Zara soedah mati. Akoe jakin ia tentoenja moesti dapet taoe terlebih doeloe
