Dimana adanja Allah
269
soedilah denger akoe poenja bitjara. Hal matinja Zara telah disaksiken dengen teges oleh akoe serta laen - laen orang ― Holbaz sama sekali tida berdosa dalem ia poenja soedara poenja kematian.“
Selandjoetnja akoe toetoerken tentang Zara poenja lelakon sedari moelai soreh, bagimana ia sendiri telah mendapet taoe bakal terdjadinja iapoenja hari jang pengabisan. Graaf Ivan dengerin dengen anteng sambil koetik - koetik goedri di bawah kakinja sama oedjoeng pedang. Kapan akoe soedah seleseh menoetoer ia sigra berdongak, dan satoe meseman getir terloekis di parasnja.
„Akoe heran, madame,“ ia menjaoet, „bahoea kaoe sakean lama tinggal bersama Holbaz tida mendjadi lebih tjerdik. Akoe pertjaja bener jang Zara, itoe prampoean jang latjoer, trima iapoenja kematian lantaran samberan gledek. Tapi tjoba kaoe djawab pertanjaankoe ini: Siapa jang bikin hingga Zara djadi sebagi penarik (magneet) boeat tarik segala bawa jang mengandoeng electriciteit? Siapa jang isihken iapoenja badan jang lemboet serta eilok dengen sadjoemblah obat-obat jang menggenggem tenaga electrisch, jang kerna apa ia saolah-olah tida bedah laksana magneet hidoep, jang tjotjok sekali antero keadaannja boeat membetot oewap gledek jang djoestroe boekan laen dari electriciteit? Siapa jang empos otaknja Zara jang djerni dengen segala matjem nonsens tentang roch dan Melaikat - melaikat
