168
PENGHIDOEPAN
sifat jang bertentangan dengen perasaankoe. Perkawinan, menoeroet anggepan doenia saoemoemnja, tjoema-tjoema membikin akoe djadi lebih menjesel sadja dan itoe bagikoe ada satoe perkara jang akoe pantang; tida goena melaenken perangkepan djasmani belaka zonder pergaboengan soemanget, itoe semoea aken berachir sebagi lelakon jang penoeh tragedy. Maka, kenapakah, kaoe moesti boewang-boewang tempomoe boeat mendapetin satoe katjintaan jang tida terkaboel, jang pasti tida bakal mendapet api sebab kaoe soedah saoepama bara jang padem ?“
Kamoedian akoe denger soearanja Graaf Ivan jang mengeloe boeat djawab Zara poenja pidato jang bagoes itoe:
„Api jang menjala selaloe menjoeloet jang laen, Zara! Itoe tjahaja dari matahari bisa meloemerken sang saldjoe! Akoe tida pertjaja bahoea itoe katjintaan jang soenggoe dan terkandoeng dalem, begitoe lama, boleh — dan moesti mendapet oepahan achirnja. Sedeng menoeroet soedaramoe poenja theorie bahoea geteran tjinta itoe sendiri soedah tjoekoep mengeloearken kakoewatan saling menarik. Moestahil tida bisa bahoea akoe poenja ambekan, kainginan jang begitoe tegoeh—begitoe besar, begitoe toeloes, Zara! —disertai dengen kasabaran, achir-achir gagal boeat tarik kaoe, bintang dari penghidoepankoe, lebih deket dan lebih deket, hingga kamoedian akoe boleh bidang jang kaoe poenjakoe?“
