— 99 —
lagi ia nanti bisa dapet kenjata'an, akoe blon terlaloe toea boeat djalanken iapoenja prenta.
Rochefort lantes djalan dengen bibirnja tersenjoem; doeloe koetika iaorang masi bermoesoe, sringkali d'Artagnan djadi gemeter djikaloe liat Rochefort tersenjoem, tapi ini sekali ia awasin sobatnja dengen tiada kwatir satoe apa dalem hatinja.
„Pergi di mana kau soeka, setan !" kata d'Artagnan dalem hatinja. Akoe tiada ada poe. nja Constance lagi jang moesti diboeat kwatir.
Koet ka d'Artagnan balik badannja, ia dapet lat Bazin jang soeda toekar iapoenja pakean padri dengen pakean biasa, ligi bitjara pada satoe pendjaga gredja, pada siapa baroesan d'Artagnan djoega soeda bitjara. D'Artagnan doega, tentoe Bazin lagi pesen itoe orang, soepaja ia tiada kasi ketrangan satoe apa padanja
Sedeng iaorang lagi bitjara berdoea, d'Artagnan lantes djalan kaloear dan semboeni di pinggir satoe roema, dari mana ia bisa liat djoeroesan pintoe gredja.
Lima minuut kamoedian Bazin kaloear dari itoe pintoe dan sasoedanja menengok doeloe kanan kiri boeat liat, apa tiada ada orang intip padanja, ia djalan kaloear. D'Artagnan jang intip padanja lantes toeroet dari djaoe dan dapet liat Bazin masoek dalem satoe roema di Calandre Straat, D'Artagnan doega, tentoe Bazin ada tinggal di itoe roema, tapi ia tiada dateng minta ketrangan di sana, kerna ia pikir, djikaloe ada jang djaga di sana, tentoe itoe orang djoega Boeda dapet pesenan dari Bazin.
D'Artagnan pergi masoek di satoe roema makan jang pernanja di sebrangnja itoe roema, dalem mana Bazin soeda masoek. Di sana ia
