— 184 —
satoe padri; akoe soeda ambil dan piara serta kasi pladjaran padanja.“
— „Dan roepa roepanja ia sanget tjinta pada kau.”
— „Akoe kira ia tjinta akoe sebagi ia poenja ajah sendiri.“
— „Dan ia hargaken kau poenya boedi.“
— „O, djikaloe maoe bitjara perkara boedi, d’Artagnan, akoe kira akoe oerang jang poenja boedi lebi banjak. Padanja akoe tiada maoe bitjara dari ini perkara, tapi pada kau akoe maoe mengakoe troes trang, ia berboeat lebi banjak boedi pada akoe.“
„Begimana bisa djadi begitoe?“ menanja d’Artagnan dengen heran.
„Ja, Allah, itoe perkara sampe trang,“ kata Athos. Lantaran itoe anak maka kau ketemoeken akoe dalem ini keada’an, hingga kau sendiri djadi heran, Seandenja tiada ada itoe anak, akoe ini sebagi satoe poehoen jang djadi toea dan kring lantaran tiada ada satoe apa jang boleh bikin senang akoe poenja pikiran. Tjoema ketjinta’an satoe pada laen boleh djadi idoep seger kombali. Brangkali kau maoe bilang, tjinta saorang prempoean. Tapi boeat itoe perkara akoe soeda terlaloe toea. Tjinta sobat sobat? Akoe soeda tiada ada poenja sobat lagi. Pladjaran memang bergoena bagi anak anak, tapi satoe toeladan baek ada lebi bergoena. Akoe roba akoe poenja adat dan loepaken sekalian kebiasa’an jang koerang baek, akoe berboeat sebagi satoe orang jang alim. Tapi akoe kira, akoe poenja daja oepaja tiada nanti djadi pertjoema, d’Artagnan ; Raoul nanti djadi saorang bangsawan jang djarang ada bandingannja.“
D'Artagnan djadi semingkin heran denger
