— 185 —
Athos bitjara begitoe, Iaorang djalan di bawa poehoen pada tempat tedoe dan djikaloe tjahja matahari menoedjoe moekanja Athos, d’Artagnan bisa dapet liat, mata sobatnja ada djadi lebi bertjahja lantaran ia bitjara dengen begitoe goembira.
Itoe koetika d’Artagnan lantes dapet inget perkaranja Milady.
„Apa kau rasa diri kau beroentoeng?“ menanja d’Artagnan.
Athos poenja mata lantes awasin moeka sobatnja sebagi ia maoe batja apa jang ada dalem d’Artagnan poenja hati.
„Beroentoeng sebagi satoe mahloek Allah bisa dapet peroentoengannja di ini doenia,“ kata Athos. „Tapi bitjara sadja troes trang, d’Artagnan, kerna akoe doega ada sala satoe perkara jang kau masi tahan.“
O, Athos, kau terlaloe, orang tiada bisa semboeniken pikirannja di hadepan kau,“ kata d’Artagnan. „Na, apa boleh boeat, akoe ingin taoe, apa kadang kadang kau tiada djadi kaget dan djadi . . .“
„Menjesel?“ menanja Athos, „akoe djadi troesken kau poenja bitjara’an sobat. Menjesel dan tiada menjesel djoega. Akoe bilang tiada menjesel, sebab seandenja kita tinggalken itoe prempoean idoep, tentoe ia poenja pakerdja’an bales sakit hati, ia troesken sampe tamat; akoe tiada menjesel, kerna akoe pikir, itoe prempoean haroes dapet itoe hoekoeman; tapi dengen begitoe blon boleh dibilang, akoe rasa patoet apa jang kita soeda berboeat padanja. Brangkali perkara dara moesti dibajar dengen dara djoega, itoe prempoean soeda bajar oetangnja dan kamoedian kita nanti dapet kita poenja bagian.“
Doeapoloe taon blakangan
24
