— 260 —
„Kau koerang trima pada Marie Michon toean ?” menanja njonja hertogin dengen heran seria awasin matanja, Athos, sebagi ia ingin taoe Athos poenja hati: Begimana itoe perkara boleh djadi? Kau tiada kenal pada itoe nona?“
„O, siapa taoe, njonja,“ kata Athos, „satos pepata ada bilang tjoema goenoeng sadja tiada bisa ketemoe satoe pada laen.“
„Troesken kau kau poenja bitjara'an, toean, troesken,“ kata hertogin, akoe djadi Banget ingin denger itoe perkara.“
„Kau bikin akoe djadi lebi brani bitjaraken ini oeroesan," kata Athos. Itoe kaponakan Aramis, itoe Marie Michon, pendeknja itoe toekang djait, maski deradjatnja sanget renda nada poenja banjak kenalan di antara orang orang bangsawan jang deradjatnja tinggi, sedeng Sri Ratoe ia brani seboet soedaranja.
„Tapi,“ kata hertogin dengen mengela napae, „itoe keada'an soeda beroba banjat.“
„Sri Ratoe soeda perna minta pertoeloengannja Marie Michon boeat pergi bitjaraken oerossan negri pada Radja Spanje.“
„Itoe perboeatan dianggep sebagi satoe dosa besar," kata hertogin.
— „Akoe denger lantaran itoe perkara Kardinaal jang moelia soeda kaloearken prenta pada Marie Michon boeat dikasi masoek dalem pendjara di Loches, Tapi lebi doeloe soeda diatoer dan djikaloe ada bahaja bagi Marie Michon, Sri Ratoe nanti kirim padanja satoe bijbel jang diboengkoes dengen bloedroe idjo,
— „Itoe betoel, toean. Kau roepa roepanja taoe betoel itoe perkara.“
— „Pada satoe pagi prins Marcillac soeda sampeken satoe boengkoesan dari bloedroe idjo
